ਲੁਧਿਆਣਾ ਵਿਖੇ ਫੌਜ਼ ਦੀ ਭਰਤੀ ਰੈਲੀ ਵਿਚ ਫਿਜੀਕਲ ਅਤੇ ਮੈਡੀਕਲ ਟੈਸਟ ਵਿਚ ਪਾਸ ਹੋਏ ਨੋਜਵਾਨਾ ਨੂੰ ਲਿਖਤੀ ਪ੍ਰੀਖਿਆ ਲਈ ਦਿੱਤੀ ਜਾਵੇਗੀ ਮੁਫਤ ਸਿਖਲਾਈ : ਗੁਰਿੰਦਰ ਸਿੰਘ

ਸੀ-ਪਾਈਟ ਕੈਂਪ ਸ਼ਹੀਦਗੜ੍ਹ, ਬਸੀ ਪਠਾਣਾ ਵਿਖੇ 12 ਅਪ੍ਰੈਲ ਤੋਂ ਹੋਣਗੀਆਂ ਕਲਾਸਾਂ ਸੁਰੂ
ਐਸ.ਏ.ਐਸ.ਨਗਰ 09 ਅਪ੍ਰੈਲ :
ਜ਼ਿਲ੍ਹਾ ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ ਅਤੇ ਰੂਪਨਗਰ ਦੇ ਨੌਜਵਾਨ ਜ਼ਿਨ੍ਹਾਂ ਨੇ ਕਿ 01 ਅਪ੍ਰੈਲ ਤੋਂ 10 ਅਪ੍ਰੈਲ 2018 ਤੱਕ ਲੁਧਿਆਣਾ ਵਿਖੇ ਹੋਈ ਫੌਜ਼ ਦੀ ਭਰਤੀ ਰੈਲੀ ਵਿਚ ਫਿਜ਼ੀਕਲ ਟੈਸ਼ਟ ਪਾਸ ਕੀਤਾ ਸੀ ਅਤੇ ਉਹ ਮੈਡੀਕਲ ਤੌਰ ਤੇ ਵੀ ਫਿੱਟ ਹੋਏ ਸਨ, ਉਨ੍ਹਾਂ ਦੀ ਲਿਖਤੀ ਪ੍ਰੀਖਿਆ ‘ਜੋ ਕਿ 27 ਮਈ ਨੂੰ ਹੋਵੇਗੀ ਦੀ ਤਿਆਰੀ ਲਈ ਮੁਫਤ ਸਿਖਲਾਈ ਦਿੱਤੀ ਜਾਵੇਗੀ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਟ੍ਰੇਨਿੰਗ ਅਧਿਕਾਰੀ ਸੀ-ਪਾਈਟ ਕੈਂਪ ਸ਼ਹੀਦਗੜ੍ਹ ਸ੍ਰੀ ਗੁਰਿੰਦਰ ਸਿੰਘ ਨੇ ਦੱਸਿਆ ਕਿ ਪੰਜਾਬ ਦੇ ਯੂਵਕਾਂ ਦੀ ਸਿਖਲਾਈ ਤੇ ਰੁਜ਼ਗਾਰ ਕੇਂਦਰ (ਸੀ-ਪਾਈਟ) ਕੈਂਪ ਸ਼ਹੀਦਗੜ੍ਹ ਜ਼ਿਲ੍ਹਾ ਫਤਿਹਗੜ੍ਹ ਸਾਹਿਬ ਦੇ ਕੈਂਪ ਕਮਾਂਡੈਂਟ ਕਰਨਲ ਫਤਿਹ ਸਿੰਘ ਵਿਰਕ ਦੀ ਅਗਵਾਈ ਹੇਠ ਨੌਜ਼ਵਾਨਾਂ ਲਿਖਤੀ ਪ੍ਰੀਖਿਆ ਦੀ ਮੁਫਤ ਸਿਖਲਾਈ 12 ਅਪ੍ਰੈਲ ਤੋਂ ਸੀ-ਪਾਈਟ ਕੈਂਪ ਸ਼ਹੀਦਗੜ੍ਹ ਬਸੀ ਪਠਾਣਾ ਵਿਖੇ ਪੰਜਾਬ ਸਰਕਾਰ ਵੱਲੋਂ ਕੀਤੇ ਉਪਰਾਲੇ ਤਹਿਤ ਸਿਖਲਾਈ ਮੁਫਤ ਦਿੱਤੀ ਜਾਵੇਗੀ। ਨੋਜਵਾਨਾਂ ਨੂੰ ਮੁਫਤ ਰਿਹਾਇਸ਼ ਅਤੇ ਪੜ੍ਹਾਈ ਵੀ ਮੁਫਤ ਕਰਵਾਈ ਜਾਵੇਗੀ। ਲਿਖਤੀ ਪੇਪਰ ਦੀ ਤਿਆਰੀ ਵਾਸਤੇ ਕੋਈ ਵੀ ਚਾਹਵਾਨ ਨੋਜਵਾਨ ਸਾਰੇ ਕਾਗਜਾਤਾਂ ਦੀਆਂ 02 ਫੋਟੋ ਕਾਪੀਆਂ ਅਤੇ ਆਪਣੀਆਂ02 ਫੋਟੋਆਂ ਵੀ ਆਪਣੇ ਨਾਲ ਲੈ ਕੇ ਆਉਣ।

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>